Государственный Национальный театр Удмуртской Республики

Шумпотӥськомы тулыслэн нырысетӥ толэзезлы но кузьмаськомы 50% скидка таӵе ӝыт спектакльёслы:  14-тӥ южтолэзе 17 часын – «Ышем лулъёс» пьеса-размышление жанръя пуктэм спектакль (16+);  21-тӥ южтолэзе 17 часын –«Матронлэн егит картэз, яке Атас Гири-2» комедия (16+);  26-тӥ южтолэзе 18 часын – «Лемлет Исьтапанлэн зарниез» комедия (12+). Скидкаен басьтыны быгато пенсионеръёс, студентъёс(возьматыны луэ электрон амалэн студенческой билетэз), школьникъёс, инвалидъёс, начар ваньбуро улӥсь но трос нылпиё семьяос. Ӝыны дунын билетъёсты басьтыны луэ театрлэн кассаяз гинэ. Касса: +7 (3412) 78-45-92, +7 901 860 55 19.

13.03.2026 г.

Выль выжыкылэз дасян

Театр дася выль нылпи выжыкыл. Суредась Андрей Стародумов театрлэсь Худсоветсэ но творческой цехъёсты «Как Иван Василису выручал» выль выжыкыллы дасям декораци макетэн но костюм эскизъёсын тодматӥз. Пуктӥсь режиссёрез - Константин Ложкин. Премьералэн возьматонъёсыз чакламын толсуре.

07.02.2026 г.

Котырес лыдпусэныд, Удмурт театрмы!

Туннэ, 7-тӥ тулыспалэ, Удмурт театрлы 95 ар тырмиз. Театрамы сюрыса, валаськод, татын огшоры коллектив гинэ ӧвӧл, татын творческой адямиослэн, ас удысысьтызы ӧнерчиослэн бадӟым семьязы. Театрысь котькуд ужасьлы ӟеч премьераос сӥзиськомы, нуналмысь ужды мылкыд мед сётоз но данъямон мед луоз. Нош артистъёслы - вунонтэм, яркыт рольёсты таланто быдэстон, мыло-кыдо кичабонъёс но тау карись учкисьёс. Азинлык но умой мылкыд тӥледлы! Та нуналэ сюлэмъёсты яратонлы, мылкыдъёслы но кичабонъёслы усьтэмын мед луозы. Юбилееныд, яратоно Удмурт театрмы! Кема ул, сяськаяськы, ворекъя, кышкатэк азьпала мын! <iframe src="https://vk.com/video_ext.php?oid=-45761956&id=456239579&hash=1d5316d46ad6ba62" width="640" height="360" frameborder="0" allowfullscreen="1" allow="autoplay; encrypted-media; fullscreen; picture-in-picture"></iframe>

06.02.2026 г.

Нош ик «Бадӟым гастрольёс»!

Туэ вожвылъяськонэ 500-лэсь трос куриськонъёс вуизы. Экспертъёслэн комиссизы «Большие гастроли» ӵектосъя 238 театръёсты но «Мы – Россия» ӵектосъя 62 йӧскалык коллективъёсты бырйиз. Россиысь гастрольно – концертной план улсын туэ куарусён толэзьлэн кутсконаз Удмурт театр Калмыкилэн шоркараз – Элистае кошкоз. Басангов нимо Йӧскалык драмтеатрлэн сцена вылаз аслэсьтыз самой усто спектакльёссэ возьматоз. Нош сентябрь пумын Ижкаре Калмыкиысь ужъюлтошъёс вуозы. Гастрольёс радъясько Россиысь лулчебертъя министерстволэн Росконцертлэн «Большие гастроли» проектэз чотын. Витиськомы выль ӟеч мылкыдъёсты, выль устонъёсты но кужмо кичабонъёсты!

26.01.2026 г.

Котырес лыдпус! Валентина Меняйлолы - 80

25-тӥ толшоре Удмурт Элькунысь калык артисткалы Валентина Меняйлолы 80 арес тырмиз Гажано Валентина Михайловна, вань сюлмысьтым ӟечкыласькомы Тӥледыз но сӥзиськомы юн тазалык, капчи мылкыд, сюлэмады котьку мед улоз яркыт шунды! Валентина Михайловна вордскиз Глаз ёросысь Порпи гуртын. Ленинградысь Римский-Корсаков нимо консерваторилэн крезьгуро училищеез йылпумъяса, со театрын тунсыко но пӧртэм образъёс кылдытӥз: Соня («Ой, чебер нылъёс»), Поликсена («Правда хорошо, а счастье – лучше»), Настя («Насьток но Исьток»). Жага («Кезьыт ошмес»), Настя Сорокина («Жингрес сӥзьыл»), Окыльна («Яратон у пересьмы» но мукет). Нош кырӟаны быгатэменыз ялан калыкез паймытъяз, уката ик артисткаен Валентина Александровна Загуляеваен ӵош чебер пӧрмытылӥзы. Театрын соостэк одӥг концерт но ӧз ортчылы. 2019-тӥ арын Валентина Михайловна театрысь кошкиз. Ӵектӥськомы учкыны «Кезьыт ошмес» спектакльысь люкетсэ. Спекталь пуктэмын 1985 арын. <iframe src="https://vk.com/video_ext.php?oid=-45761956&id=456239571&hash=a17b91dfb5433f07" width="640" height="360" frameborder="0" allowfullscreen="1" allow="autoplay; encrypted-media; fullscreen; picture-in-picture"></iframe>

30.12.2025 г.

Вуись выль арен!

Гажано эшъёс! Ӟечкыласькомы тӥледыз вуись Выль арен! Ваньдылы юн тазалык, шудбур, тупаса но яратыса улон сӥзиськомы. Бадӟымесь азинсконъёс но вормонъёс мед басьялоды. Котырады котьку но оскымон эшъёсты но зэмос юртӥсьёсты мед луозы! Вань чебер но ӟеч малпанъёсты мед быдэсмозы! Оскиськомы выль арын ми нош ик пумиськомы театрмылэн юртаз! Выль арен! Выль шудбурен! Азьвылгес ГТРК «Удмуртиысь» съёмочной группа Тол Бабаенымы пумиськылӥз. Мар та пумиськонлэсь пӧрмиз, учкиськомы! <iframe src="https://vk.com/video_ext.php?oid=-45761956&id=456239561&hash=6639b98c917ddc49" width="640" height="360" frameborder="0" allowfullscreen="1" allow="autoplay; encrypted-media; fullscreen; picture-in-picture"></iframe>

Все новости