«ЗА ВЕРНОСТЬ ТЕАТРУ» дано медалез Удмурт театрысь артистъёслы, Удмурт Элькунысь театр удысын ужасьёслэн огазеяськонзылэн ветеранъёсызлы сётӥзы. Та вылӥ данъет Удмуртиысь театральной искусствоез азинтонын Усточиослэсь мыло-кыдо тыршемзэс пусъе.

Кызьы вераз данъян ужрадын Удмуртиысь СТД-лэн Тӧроез Александр Мустаев, калык та актёръёсты али но яратэ, соослэсь усто рольёссэс тодэ на. Театръёслэсь афишаоссэс но программкаоссэс син азе пуктыны уг луы та пусъем нимъёстэк, угось соос драматической, оперной, балетной но мунё искусстволэн историяз зэмзэ но «зарни» актёрской поколение кылдытӥзы.

Гажано артистъёсмы, вань сюлмысьтымы ӟечкыласькомы тӥледыз! Ми данъяськиськомы, эшлыко коллективамы таӵе зэмос ужзэс гажась муртъёс вань шуыса. Тӥляд тыршемды дунъяны луонтэм. Сӥзиськомы тӥледлы юн тазалык, быронтэм кужым, ӟеч мылкыд но кема аръёс ӵоже творческой улон!

Туспуктэмъёс Удмурт Элькунысь театр удысын ужасьёслэн огазеяськонзылэн бамысьтыз (туспуктӥсь Анастасия Метлякова)