Аграб каре лек ведӥн Джафар вуэ. Со Аладдин племянниксэ утча, малы ке шуоно, со гинэ гырке пырыны но отысь пӧртмась лампаез поттыны быгатоз. Пияш лампаез шедьтэ но шӧдтэк шорысь Дахнаш джиннэз эрике лэзе. Джинн соку ик дась выль кузёлэсь куронъёссэ быдэстыны: халва башняосын мармеладлэсь кар пуктыны, узы-борылэсь дворец кылдытыны яке бадӟым трос сиё торт. Оло нош кузёлы зарниен но бриллиантъёсын сю сандык кулэ? Нош Аладдинлэн одӥг гинэ куронэз – чебер принцессаез, Будурез, кышно вайыны.

«Тысяча и одна ночь» сборникысь тужгес но тодмоез араб выжыкыл А. Чупин драматурглэн сценариезъя А. Ложкинэн пуктэм спектакль выль сямен усьтӥськиз. Яркыт костюмъёс но декорациос, кырӟанъёс но эктонъёс – ваньмыз та шулдыр праздник мылкыд кылдытэ.

Спектакль мынэ ӟуч кылын 1 час 15 минут.