Трофим (Трокай) Кузьмич Борисов (1891 – 1943) – адями паськыт пуш дуннеен, паймоно быгатолыкъёсын но талантэн: со вал кун но политикаын ужась/ужчи, эмъясь, публицист, филолог, этнограф, «Гудыри» удмурт газетлэн кылдытӥсез но редакторез, Елабугаысь дышетӥсьёсты дасян семинариез (туэ Можгаысь Т. Борисов нимо педколледж) кылдытӥсез но нырысетӥ кивалтӥсез, Удмурт вотка автономилэн нырысетӥ картаезлэн авторез, удмурт кунлыклэн огез кылдытӥсез.

Удмурт калыклэн азьланезлы оскон, вотка улӥсьёслэсь культурной но политической уровеньзэс ӝутон бордын ужаны мылкыд, соослэсь национальной самосознанизэс азьланьтон Трокай Борисовез вань улонэз ӵоже сюлмаськытылӥзы. Но адямилы туж секыт, куке тыбыр сьӧраз пӧртэм доносчикъёс, вожъяськисьёс, вылтӥяськисьёс люкасько. Солы нош но нош выль кужым люкаса, йыг-йыг пыд вылаз султыса, азьлань мыноно луылӥз. Милям йырсазьёсамы Трокай Борисов котькулы кылёз дышетӥсь но азьмынӥсь.

Спектакль Трокайлэн гожтэёсызъя но тодэваёнъёсызъя пуктэмын, соин ик зэмос учыръёсын но мылкыдын тырмемын.

Спектакль мынэ 1 час 20 минут удмурт кылын, ӟуч кылэ синхрон амалэн берыктыса.