Вуиз кема возьмам нунал. Нунал, ку вералозы, кинлы люкаськем муртъёс пӧлысь 100 ар талэсь азьло ӵыжы-выжызы вань узырлыксэ кельтэм. Ваньзылэн чиданзы быре ини. Но тани завещание поттэмын, паймымон сандык усьтӥське но… ваньмыз абдрамын – ваньбурез басьтон понна одӥг огшоры куронэз гинэ быдэстоно, кудзэ трос аръёс ӵоже ини ватыса возиз ящик. Сандык усьтэмын, но мар лэсьтыны дасесь ӵыжы-выжыосыз узырлыкез басьтон понна? Сое учкись тодоз, драматурглэсь но актёрлэсь П. Каратыгинлэсь «Таинственный ящик» комедия-водевильзэ учкыса.

Спектакльын ваньмыз вань: шулдыр но ӟеч «пӧрам» улон гожъёс, ваньзэ вормись яратон, кырӟанъёс но эктонъёс, маскаос но карнавал дӥсьёс.

Спектакль пуктэмын комедия-водевиль жанрен. Водевиль – со капчи серемес кырӟанъёсын но эктонъёсын пьеса.

Спектакльын кутӥське А. Шниткелэн, Ю. Прилякинлэн, А. Чернойлэн, М. Ходыревалэн произведениосысьтызы крезьгуръёс.

Спектакль мынэ 2 час 40 минут ӟуч кылын.