Кыӵе ке но царствоын, кыӵе ке но государствоын лек но сук кышномурт эксэйяське. Дворец вӧзын выж пуктэмын. Эксэй косэмъя, отӥ выжон понна дун тыроно. Одӥг пол караулын сылӥсь чылкыт сюлэмо солдат пичи нылын синтэм кышномуртэз жаля но дун тырытэк лэзе. Та понна кыл кутыны солэн старшинаез кулэ. Янгышсэ тупатон понна, эксэй куремъя, солдат тылобурдо йӧл утчаны потэ. Зэмлыкез, ӟечез но батыр луэмез солдатлы шуг-секытъёсты ортчыны юртто. Нош кыӵе курадӟонъёсты со адӟоз но кызьы но маин йылпумъяськоз выжыкыл, тодыны луоз спектаклез учкыса.