Агроном Гирой Матвеевич котыр ласянь синмаськымон: йӧно, чебер, ужась, быгатэ усто вераськыны но аслыз синмаськытыны, вакчияк вераса, «гуртысь тужгес но син шоры йӧтымонэз казакпи», но одӥг гинэ пиртэшез вань – егит чебер нылэз адӟе ке, соку ик синмаське. Анаезлэн сюлворемезъя, егит адями кышнояськыны кылзэ сётэ. Вуоно кузпалзэ, егит но чебер бухгалтерез Соняез, яратӥсько но гажасько шуыса, кышнолы кура. Епифановна, Гиройлэн анаез, шумпотэмын: пиез табере «визьмаськиз» но солы кен ваёз, нылаш солы туж кельше. Быръемын ини сюан нунал, вань ӵыжы-выжыоссы солы дасясько, но тупаны но кулэ ук, соослэн гуртазы витьымтэ шорысь выль ужась вуэ – чебер но синмаськымон нылаш Тоня…

Туж лякыт, ӟеч мылкыдо, шундыё нунал кадь, учкымон но тунсыко спектакль - со улонын шуддэ утчан но шедьтон, адямилэн яратонлы осконэн пыӵам мадён луэ.

Спектакль мынэ 2 час удмурт кылын, ӟуч кылэ синхрон амалэн берыктыса.