М. Петровлэн «Вуж Мултан» романэзъя А. Блиновен пуктэм «Мултан уж» спектакльын возьматэмын удмурт калыклэн улонысьтыз 19 даурлэн пумаз тужгес но кышкытэз вакыт, исторической судебной процесс. Вуж Мултан черкогуртысь огшоры ужась удмуртъёсты адямиез виыса вӧсянын янгыше уськыто. Та ужез «пӧрало» куд-ог эксэй чиновникъёс. Трос аръёс ӵоже мынӥз нюръяськон, судын куинь пол эскериськиз та уж, но В.Г. Короленко журналистлэн но писательлэн, А. Кони сенаторлэн, М. Дерягин но Н. Карабчевский юристъёслэн юрттэменызы, удмуртъёс шонере поттэмын вал.

Постановкалэн валтӥсь ужпумэз – пӧртэм национальностен адямиослэн эшъяськыса улонзы.

Спектакль мынэ 2 ч 50 мин огдыре ӟуч но удмурт кылын ӟуч кылэ синхрон амалэн берыктыса.