Федор Михайлович Достоевскийлэн произведениосыз постановка ласянь секыт материал луо. Но та «фантастической верос» (кызьы Достоевский ачиз вера «Кроткая» сярысь) режиссеръёсты зэмлыкеныз но мур малпанэныз нош но нош ас бордаз кыске.

Котькуд произведениосаз, пичиосаз гинэ но, Достоевский утча сӥё-буро идеалэз, дунне вылын адямилэсь кулэлыксэ, улонэз ӵоже кыстӥськем юанэзлы веран: кытӥ умоезлы но уродэзлы люкет ортче – адямилэн сюлэмаз но обществоын?

«Кроткая» - адями но дунне шоры сюлэм пыр яке рационально учконъёслэн пумит луонзы сярысь спектакль. Та спектакль кык огкадь адями лулъёслэн секыт но кышкыт духовной сюрессы сярысь, кудъёсыз туж кулэ ог-огзылы но ӵош лумтэзы сэрен быро.

Спектакль мынэ 1 час 40 минут ӟуч кылын.