Та учыр вал шаерысьтымы одигаз пыдлось сэрегын. Шундыё шуныт нуналэ чиптэм-чаптэм ышиз пойшурась но чорыгась, инкуазьлэн матысь эшез, удмурт воргорон Пислегин Африкан Никифорович. Дораз сюлмасько, бордо, нош со овол но овол. Африкан вуэ куинь нунал ортчыса гинэ. Огназ уг вуы, дораз пыртэ «паймымон пойшурез». Нюлэскын со Лымы адямиез кутэм. Африканлэн таче мокоез кутэмез сярысь ивор туж ӝог вӧлме быдэс гуртэ, та сярысь озьы ик тодмо луэ ёрос кивалтисьёслы но, соос асьсэос вуо пойшурась доры. Ваньмызлэн потэ гуртысь пойшурасен ӵош дано луэмзы. Мар луоз азьланяз, тододы комедимес учкыса.

Спектакль мынэ 1 час 50 минут удмурт кылын, ӟуч кылэ синхрон амалэн берыктыса.