Режиссер но шудӥсь Максим Григорьев: «1942 ар, тол. Новосибирскысь военной округ. Сибирь стрелковой дивизия кылдытӥське. Войналэсь кылем воргоронъёсты кыскало, ваньзэс куто, гуртъёс бушало, нош ожлэн пумыз но уг адскы на. Атыкай музъемзэс утён мылкыдын 1924-тӥ арын вордскемъёс куинь толэзьем дасяськон курсъёсты полкын ортчыто. Быдэс нуналэн кулэтэм строевоен выро, кезьыт баракъёсын уло, сиён тырмымтэен таза сибирь пиос дистрофикъёслы пӧрмытско. Винтовкаысь ыбылӥськыны лач-лач дышетытэк соосты фронтэ келяло.»

«Шонертэм ожез романтизировать карыны, данлыко но синмаськытӥсь паласен гинэ позьматыны. Кин пӧяське ортчемез война сярысь, со вуонозэ матэктытэ – ортчем войналэсь кырсезгес, виресезгес, жалясьтэмезгес номыр но ӧй вал. Ожез геройлыко паласен возьматыны кулэ ӧвӧл, кышкатыны кулэ, малы ке шуоно со туж урод,» - гожъяз Астафьев. Солэн зэмлыкез – туж кышкыт, курыт, солэн книгаяз но, Максим Григорьевен пуктэм но шудэм спектакляз но нокыӵе ыбылӥськонъёс, бомбёжкаос, пуштонъёс ӧвӧл ке но. Сцена вылысь ож кӧшкемытгес – котыр дунне адысь вордскем лул пушкысь ад.

В. Астафьевлэн «Прокляты и убиты» романэз – Быдӟым ож сярысь произведениос пӧлысь огез тужгес но драматическоез, трагическоез но зэмлыкоез луэ. 1995-тӥ арын та произведение калык пӧлын ӟырдыт споръяськонъёс кылдытӥз. Ожлэсь мыддорин палзэ возьматӥсь верамез огъёсыз «текст-травма» шуылӥзы, мукетъёсыз «Война и мир» романэн ӵошатылӥзы.

Спектакль мынэ ӟуч кылын 2 час но 30 минут.