Крезьгуро выжыкыл бремен музыкантъёслэн – Трубадур, Коӵыш, Пуны, Атас но Осёл- туж шулдыр но кышкыт приключениоссы сярысь. Та спектакль пӧртэм аресъем учкисьёслы тунсыко луоз.

Трубадур но солэн музыкант эшъёсыз – Осёл, Пуны, Атас но Коӵыш – пӧртэм каръёстӥ но черкогуртъёстӥ концерт возьматъяса ветло. Огпол эшъёс эксэйлэн замоказ вуо. Отын соос пумитало чебер Принцессаез, но Трубадур соку ик солы синмаське. Король пӧрмостэм артистъёсты замокысьтыз улля. Шудбурзэс утён понна Трубадур но солэн эшъёсыз пӧртэм курадӟонъёсты ортчозы, Атаманшаен но солэн разбойникъёсыныз пумиськозы, тужгес но усто сыщикез пӧялозы. Зэмос яратон но эшъяськон вань шуг-секытъёсты вормыны юрттозы.

«Бременские музыканты» - со артистъёслэн туж ӟеч шудэмзы, тунсыко но паймымон трюкъёс, шулдыр эктонъёс.

Спектакль мынэ 1 час 15 минут ӟуч кылын.