Спектакль эмъясьёслэн но огшоры ёрос больницаысь ужасьёслэн секыт улонзы сярысь. Нуналлы быдэ жадемзы шоры, кышкытлык шоры учкытэк, соос ужало ужэз, кудӥзлы сомында ни ар, кӧня возиське ни дунне вылын Гиппократлэн кылсётонэз. Эмъяло но утё. Со дыре ик геройёсмы синмасько, даллашо, керето, люкисько, лушкем ужъёссэс лэсьто, умоезлы оско…

Мадёсын кык врачъёслэн – ёрос больницаысь валтӥсь эмъясь, пересь хирург-гуманист Алексей Петрович Сосновлэн но егит хирург-карьерист но эгоцентрист Георгий Световидовлэн - секыт кусыпъёссы валтӥсь инты басьто.

Спектакль мынэ 2 ч 55 минут удмурт кылын, ӟуч кылэ синхрон амалэн берыктыса.