Нюлэскысь тылэн ярдураз Андрей-Стрелок потэ: нокинэ но ӧз куты шуыса, пӧйшурамысь куректыса бертэ. Шӧдтэк шорысь адӟе, кызьы Душес лобись дыдыкез кутыны выре. Андрей-Стрелок дыдыклы юрттэ: пукыӵысьтыз ыбыса Душесэз вие. Нош дыдык чебер нылашлы Марьялы берытске. Нылашез Черноборода эксэй лек волшебник пленын возе но соин кузпалъяськыны медэ. Андрей-Стрелок Марья-Голубкаез мозмытыны кыл сётэ. Со понна пияш кышкыт пыӵал тӥрлык шедьтыны кулэ – Громобой мечез. Люкиськыкузы Андрей Марьялы зундэссэ кузьма. Егит батырлы Чернобородаен но солэн Шепотун но Царица-водяница ляльчиосыныз нюръяськыны секыт луысал, Марья-Голубкалэн яратонэз, Васька-Муська коӵыш но няня ӧй ке юрттысалзы.

Спектакль мынэ 1 час 10 минут ӟуч кылын.