Удмурт театрлэн сценаез вылын Александр Гринлэн котькинлы тодмо, сюлэмез вырӟытӥсь яратон но льӧль малпан сярысь «Алые паруса»повестез выль сямен усьтӥськоз. Выль геройёс , выль сюжет герӟетъёс. Улон дунне люкемын сьӧдлы но тӧдьылы, шонерзэ вераса, пурысьлы но льӧльлы. Огшоры дунне, кытын сур юо но туннэ нуналэн гинэ уло. Нош вань на Ассольлэн гинэ дуннеез, кытын кузёясько ӟечлык, югыт но льӧль малпанъёс. Дунне, кытын осконлэн югытэз пиштэ кыдёкысь вуись парусъёслы. Мюзикл жанрен пуктэм спектакльын Ассоль – паймымон учырез витьыса жадем нылаш, кырсь но лек дуннеын улыны турттэ. Грей но выжыкылысь принц ӧвӧл. Со улонэз тодӥсь, воштӥськонъёсты витисьтэм капитан. «Алые паруса» - со Ассоль сярысь ненег мадёс гинэ уг луы. Со озьы ик пурысь дуннеын осконлэн, яратонлэн но шумпотонлэн льӧль буёлэн сяськаяськемзы сярысь веран.

Спектакль пуктэмын 2017 арын Россиысь Культурая министерстволэн «Россиысь культура» федерал программаезлы луыса.

Спектакль мынэ 2 час 15 минут ӟуч кылын.

<r><div style="position:relative;height:0;padding-bottom:56.25%">