4-тӥ шуркынмонэ Йӧскалык театр «Искусстволы сӥзем уй» всероссийской акцие пыриськиз. Та ужрад улсын театрын возьматэмын вал «Таинственный ящик» спектакль. Пуктэмын со Москавысь режиссёрен С.Яшинэн аспӧртэмлыко но тунсыко комедия-водевиль с элементами комедии дель арте жанрез кутыса. Нош спектакль бырем бере артистъёсын, та спектакльын шудӥсьёсын, пумиськон ортчиз. Спектакль куинь часъёс пала ке но мынӥз, зрительной залэ калык уно люкаськиз. Удмуртиысь калык артист А.Баймурзин, УР-ысь дано артистъёс В.Красноперов но И.Моисеев, артистъёс Н.Тур, Н.Буранова, М.Григорьев, С.Наговицын, К.Ложкин пӧртэм юанъёслы пыр-поч ответ сётылӥзы, веразы спектакль, образъёсты кылыдытон, актёрлэн ужэз сярысь но мукет. Учкисьёс но пунэме ӧз кыле: юанъёс но сётказы, ас мылкыдзэс но шараязы, малпанъёссэс но веразы. Пумиськон шуныт но эш мылкыдо ортчиз, артистъёслы но учкисьёслы кельшиз.

Артистъёслы но учкисьёслы тау шуэммы потэ та акцие пыриськемзы понна!