1-тӥ толсуре, Егор Загребинлэсь 80 арессэ пусйыса, Йӧскалык театр возьматӥз солэн пьесаезъя пуктэм спектаклез – «Насьток но Исьток» крезьгуро комедеиез. Спектакль азьын тодмо драматургез тодазы вайизы солэн пиез А.Е.Загребин, Элькунысь лулчеберетъя но туризмъя министр В.М.Соловьев,Удмурт театрысь режиссер но артист Л.Г.Романов, критик но литературая тодосчи А.Г.Шкляев. Сцена вылысен чузъяськизы уно гинэ шуныт кылъёс тодмо драматурглэн творческой но общественной ужез сярысь.