Муское дышетскыны кошкизы таяз гужеме Щепкин нимо Вылӥ театральной училищее 17 кузя пырем егитъёс.

Вуоно актёръёслы ӟеч кылъёсын вазиськизы Удмуртилэн Кун Кенешысьтыз лулчеберетъя, туризмъя но йӧскалык политикая ялан ужась ӧрилэн тӧроез Андрей Ураськин, Удмурт Элькунысь лулчеберетъя министр Владимир Соловьев но театрлэн кивалтӥсез Сергей Чирков. Нырысетӥ курсын дышетскисьёслы соос сӥзизы удалтон, ӟечлыко дышетскон, азинлык, асьсэлэсь кылзэс но вордскем шаерзэс гажан, со сяна пусйизы на, Удмурт театрез но элькунэз умой ласянь возьматон - егитъёс понна со бадӟым дан но кылкутон луэ шуыса. Удмурт театрэн кылдэмез дырысен туала курс актерской студиос бӧрсьы тямысэтӥез луэ. Егитъёс артист луыса бертозы 4 ар ортчыса.

Сӥзиськомы вуоно артистъёсмылы юн тазалык, кужмо луон, чидан но ӝутскем мылкыд!

Шудо, ӟеч сюрес!

<iframe src="https://vk.com/video_ext.php?oid=-25185834&id=456247501&hash=b8f4cf48a1b87e16" width="640" height="360" frameborder="0" allowfullscreen="1" allow="autoplay; encrypted-media; fullscreen; picture-in-picture"></iframe>

<iframe src="https://vk.com/video_ext.php?oid=-45761956&id=456239486&hash=3ad112485d3c8363" width="640" height="360" frameborder="0" allowfullscreen="1" allow="autoplay; encrypted-media; fullscreen; picture-in-picture"></iframe>

<iframe src="https://vk.com/video_ext.php?oid=-45761956&id=456239487&hash=fb59720f054d4b63" width="640" height="360" frameborder="0" allowfullscreen="1" allow="autoplay; encrypted-media; fullscreen; picture-in-picture"></iframe>