Борис Ефремович Саушкин вордскиз 21-тӥ толшоре 1928-тӥ арын Алнаш ёросысь Новотроицкое гуртын. Алнаш шор ёзо школаез быдтэмез бере дышетскыны пыриз Можга педучилищее. Педучилищеез йылпумъяса дышетскиз Ленинградысь театръя, крезьгуръя но кинематографияя А.Н.Островский нимо кун институтын, удмурт группаын. 1951-тӥ арын инистутэз йылпумъса ужаны кутске Удмурт театрын. Собере Удмурт радиоын диктор, журналист, режиссер луыса тырше. Радиоын ужакуз сое ӵемысь «удмурт Левитан» шуылӥзы. Собере ужаны басьтӥзы КПСС-лэн Удмурт обкомаз валэктон ужъя ёзэ, собере культурая министрлы воштӥсе. 1978-тӥ арын Саушкин басьтӥськиз Удмурт театрен кивалтыны. Капчи ӧй вал. Озьы ке но Борис Ефремович ноку но киоссэ ӧз лэзьылы. Дыр шедьтылӥз на гожъяськыны. Солэн статяосыз, очеркъёсыз, веросъёсыз сӥземын театрлы, артистъёслы. 2000-тӥ арын театрлы сӥзем «Удмурт театр» нимо книга поттӥз. Кема висемез бере 2003-ти арын Борис Ефремович улонысь кошкиз.