27-тӥ-28-тӥ инвожо толэзе Удмурт театр аслэсьтыз спектакльёсэ возьматӥз Карелиысь йӧскалык театрлэн сцена вылаз. Петрозаводскын улӥсьёс но куноос учкыны быгатӥзы "Алые паруса", "Эрико яратон" но "Конёк-Горбунок" спектакльёсты. Нырысетӥ нунулаз ортчиз пресс-конференция. Та ужрадэ пыриськизы Удмурт театрысь артистъёс но валтӥсь режиссёрез Алексей Ложкин, Карел театрлэн Ирина Шумская кивалӥсез но Сергей Пронин художественной руководителез. Удмурт театрлэн спектакльёсыз туж но туж умоен ортчизы. Учкисьёс пӧсь кичабонъёсын кематэк ӧз лэзьылэ асьме артистъёсты сцена вылысь кошкыны. Табере Карелиысь театр Ижкаре вуоз куарусён толэзе.