Оштолэзе но куартолэзе вошъяськон гастрольёс ортчозы. Удмурт театр мыноз Коми Элькунэ, нош Коми театр вуоз Удмуртие. «Бадӟым гастрольёс» программае Йӧскалык театр кыкетӥзэ пыриське ни. Кылем арын Коми-Пермяк театрен но Марий Элысь йӧскалык театрен вошъяськон гастрольёс ортчизы. Оштолэзе Коми театр Удмурт театрлэн сцена вылаз возьматоз аслэсьтыз спектакльёссэ. 13-тӥ оштолэзе 18 часын 30 мин. «Женись, сынок, женись» крезьгуро комедизэ возьматоз. Спектакль коми кылын мыноз, синхрон амалэн ӟуч кылэ берыктыса. 14-тӥ оштолэзе 11 часын «Ксюша да инопланетянин» нылпиослы фанатастика амалэн выжыкыл возьматозы, нош 17 часын Н.Волоховлэн автобиографической пьесаезъя «Жизнь с привилегиями «навечно» драмаен тодматскыны луоз. Удмуртиысь театр Коми Элькунэ куартолэзь шорын мыноз. Сыктывкарын улӥсьёс «Царевна-Лягушка» выжыкылэз, «Эрико яратон» комедиез но «Капитанская дочка» драмаез учкыны быгатозы.

<iframe src="https://vk.com/video_ext.php?oid=-45761956&id=456239094&hash=ade2d6d657cb88b5" width="640" height="360" frameborder="0" allowfullscreen></iframe>