Шуркынмон толэзьлэн берпуметӥ нуналъёсаз Удмурт театр гастрольёсыпотаз, кудъёсыз ортчизы Россиысь лулчеберетъя министерство но Гастроль ужлы юрттонъя федерал центр юрттэмен «Бадӟым гастрольёс. Улосвылъёс» федерал программа улсын. 25-тӥ но 26-тӥ шуркынмонэ театрмы возьматӥз аслэсьтыз ужъёссэ - «Алые паруса» мюзикл но «Царевна-Лягушка» нылпи выжыкыл. Тодады вайытом, талэсь азьло куарусёнлэн пумаз Удмурт театрын асьсэлэсь ужъёссэс возьматӥзы Коми-Пермяк театрысь артистъёс. Нырысетӥ нуналаз ик спектакль кутскон азьын сцена вылын ӟеч кылъёссэс веразы Коми-Пермяк округлэн йырыз Виктор Рычков но театрысь директорлэн воштӥсез Татьяна Климова. Тау карон кылъёссэ но азьланяз кусыпъёсты юнматон сярысь осконзэ вераз Удмурт театрлэн валтӥсь режиссёрез Алексей Ложкин. Кудымкарын асьме спектакльёсмес учкисьёс туж умой пумитазы.