26-тӥ куарусёнэ Удмурт театрлэн сцена вылаз кутскизы Алтай Элькунысь йӧскалык театрлэн гастрольёсыз. Гастрольёс кыстӥськозы куинь нунал. Гастрольёсты усьтонэ пыриськизы УР-ысь культуралэн министрез В.М.Соловьев, Удмурт театрлэн кивалтӥсез А.И.Ураськин но Алтай театрлэн валтӥсь режиссёрез Э.А.Иришева. Нырысетӥ нуналаз алтай актёръёс возьматӥзы «Чейнеш» драмаез алтай кылын ӟуч кылэ синхрон амалэн берыктыса. Спектаклез - яратон сярысь мадёнэз учкисьёсмы шуныт пумитазы. Нош туннэ, 27-тӥ куарусёнэ возьматэмын луоз «Ханума» крезьгуро комедия ӟуч кылын. Кутсконэз 18 час.30 мин.