Куарусёнлэн вуэ ини пумыз, озьыен матэктэ ини выль спектакльлэн ПРЕМЬЕРАЕЗ! Валентин Распутинлэн «Василий но Василиса» веросэз вылэ пыкиськыса кылдэ «Кема возьмай» спектакль. Пуктӥсь режиссёр Алексей Ложкин, берыктӥз но инсценировказэ дасяз – драматург Сергей Антонов.

Нырысь читка ортчиз, дыр вуиз эскерыны выль спектакльлы дасям декорацияослэсь макетъёссэ но костюмъёслэсь эскизъёссэ. Кин бен таин выре? Котькуд спектакль дасян бордын ужало трос пӧртэм цехъёс, соос пӧлын –вуриськон, костюмерной, реквизиторской, столярной, тылэн но крезьгурен ужась цехъёс. Котькудӥзлэн аслаз ужез, но ваньзылэн одӥг ужпымзы – пӧрмытыны выль спектакль! Соин ик люкаське худсовет, кытын учко мар дасязы художникъёс, кыӵе луозы спектакльлэн вылтусыз, костюмъёс. Худсовет кенешем бере ужаны кутско цехъёс.

Нош тӥ, дуно учкисьёсмы, «Кема возьмай» спектакльлэсь ПРЕМЬЕРАЗЭ быгатоды ини учкыны 22 но 23 шуркынмонэ!