21-тӥ инвожое коллективлэн собраниез ортчиз. Отын Удмурт театрлэн 2017-тӥ арын кыкетӥ люкетаз ужезлы йылпумъянъёс лэсьтӥзы. Театрлэн кивалтӥсез А.И.Ураськин вераз ортчем ужрадъёс сярысь. Соос пӧлын - премьераос, спектакльёсын элькунмылэн ёросъёсаз потанъёс, пӧртэм фестивальёсы пыриськонъёс. Со сяна , Андрей Иванович нимысьтыз пусйиз на пичи залэз усьтэмлэсь кулэлыксэ. Театрлэн валтӥсь режиссёрез А.А.Ложкин шараяз выль сезонлы быдэстоно ужпумъёсты. Али театр "Алые паруса" мюзиклэз дасян бордын тырше, котькуд нунал сцена вылын репетициос мыно. Ӝоген Выль арлы сӥзем "Морозко" выжыкыл бордын но ужъёс кутскозы.