Туннэ Йӧскалык театрын ортчиз «Васьлей» комедилэн сдачаез. Спектакль пӧрмиз яркыт, туала улонлы тупась но репертуарысьтымы мукет спектакльёслэсь пӧртэмгес. Театрлэн Художественной советаз вылӥ пусйизы котькуд актёрлэсь ужзэ, уката Вадим Дмитриевлэсь Васьлей коӵышэз туж оскымон пӧрмытэмзэ.

Ӵуказе, 6 толсуре, но ӵуказе бере, 7 толсуре спектакльлэн ПРЕМЬЕРАЕЗ!

Табере тӥледлы, гажано учкисьёсмы, луонлык кылдоз учкыны но пусйыны ужмес. Туж оскиськом, умоен ортчоз шуыса.

Кутсконэз 18 час.30 мин.

Чаклам арлыдыз – 18+

Спектакль удмурт кылын зуч кылэ синхрон амалэн берыктыса.