Театрлэн репертуараз - яркыт, туж сюлэмшугъяськытӥсь, сюлэме мур пыӵась спектакль - йырвизьме но пуш дуннее кемалы кылись мюзикл. Актёръёслэн сыӵе ӟеч кылдытэм образъёссы, спектакльысь геройёслэн шумпотонъёссы но куректонъёссы, тӥледлы, гажано эшъёс, ноку но вунонтэм кылёзы но йырвизьдэс, сюлэмдэс бугыртозы.

Бадӟым тау спектаклез дасясьёслы! Бадӟым тау тӥледлы но, гажано учкисьёс, милям театрамы лыктэмдылы но, милемын ӵош 87-тӥ сезонмес усьтонэ пыриськемды но премьерамес учкемды понна!

Выль сезонэн!!! Премьераен!!! Шудо сюрес, тулкымъёс вылын тӧлподы азьлань мед нуоз!!!

Cпектакль пуктэмын Россиысь Культурая министерстволэн «Россиысь культура» федерал программаезлы луыса.