Тулыс премьерамылэн - «Ой, чебер нылъёс» крезьгуро комедилэн репетициосыз азьланьтӥсько. Таиз спектакльмы кырӟанъёсын-эктонъёсын тырмытэмын луоз. Артистъёс кырӟалозы фонограмматэк, соин милемын нимысьтыз нош ик ужа вокалъя дышетӥсь Валерий Каракулов. Солэн тыршемезъя тросэз артистъёсмы кырӟаны кутскизы «Алые паруса» мюзиклын.

Та дыре крезьгуро номеръёслэн репетициоссы азьланьтӥсько. Чузъяськозы тодмо крезьгурчиен Николай Шкляевен Степан Широбоковлэн кылъёсызъя гожтэм кырӟанъёс, соос чебер, капчи, задор, малпаськытӥсь крезьгуренызы ас бордазы кыско, лэйкато, бурдъяло, но отын паймымонэз ик ӧвӧл, тросэз угось яратон сярысь верало. Ӝож ке но луэ, туспуктэмъёс уз сётэ ненег, небыт, кужмо но лулысь-сюлмысь кырӟанъёсты быдэстэмез, сое кылыны но адӟыны кулэ! Спектакль огдыре дасяське кык составен.

Артистъёс репетициосын костюмъёстэк на тыршо, нош со дыре спектакльмы пичиен-пичиен «будэ-пушъе» ни декорациосын. Пуктӥсьёслэн малпамзыя, действие ортчоз садын, соин декорациын вож буёлэз но тросгес луоз.

Возьмаськом тӥледыз премьераямы 23-тӥ куартолэзе.

Спектакль удмурт кылын зуч кылэ синхрон амалэн берыктыса.

Билет басьтыны луэ театрлэн кассаяз (3412) 78-45-92 но онлайн амалэн.