Туннэ, 28-тӥ куартолэзе, РФ-ысь дано артисткалы, УР-ысь калык артисткалы Галина Владыкиналы тырмысал 70 арес.

Галина Михайловна вордскиз Яр ёросысь Тум гуртын. 1973-тӥ арын Москваысь Щукин нимо Вылӥ театральной училищеез йылпумъяса, Удмурт теарын ужаны кутске. Театрлэн сцена вылаз шудӥз 150-лэсь ятыр рольёсты. Туж быгатыса возьматылӥз со пӧртэм образъёсты котькуд спектакльын. Соос пӧлын - Мартина («Лекарь поневоле»), Агафья Тихоновна («Женитьба»), Варвара («Две зимы и три лета»), Бӧдёно («Кезьыт ошмес»), Грация («Пужъятэм дэрем»), Дарья Сергеевна («Атас Гири»), Васёна («Выходили бабки замуж») но мукет. Берпуметӥзэ сцена вылэ потӥз «Жениха вызывали, девочки?» спектальын 12-тӥ толсуре 2019-тӥ арын.

Актриса улонысь кошкиз 2-тӥ толшоре 2020-тӥ арын.

Удмурт театрысь артисткаез Галина Владыкинаез буре вайыса: «Мылысь-кыдысь» адӟытон

<div class="efir-widget" data-id="vrrF8e83Ov-o"></div><script defer src="//yastatic.net/s3/home/stream/widget/loader.min.js"></script>