16-тӥ толсуре 17 часын Йӧскалык театрын Театрлэсь арзэ ворсан ужрад ортчоз. 2019-тӥ ар Театрлэн арезлы сӥземын вал, та кичӧлтэм улсын пӧртэм ужрадъёс ортчизы. Ужрадын кивалтӥсьёс ӟечкылан кылъёссэс вералозы, «Удмуртия театральная» элькун фестивальлы йылпумъянъёс лэсьтозы но призёръёсты пусъёзы. Тодады вайытом, та фестиваль 6-13 коньывуонэ ортчиз. Возьматонэз дунъязы московской театровед, театральной критик Алексей Никольский, УдГУ-ысь профессор, филолог Татьяна Зверева, УР-ысь культура удысысь дано ужась Ирина Христофорова, театровед Анастасия Павлова.