Ваньмызлы, кин ӧз учкы на «Пуны» спектаклез, ми ӵектӥськом ӝоггес милям театрамы лыктыны но спектаклез учкыса, зэмос шумпотон-паймон басьтыны. Та драма мынэ одӥг час гинэ антрактэк, нош йырады но сюлмады кылёз туж кемалы. Малы шуоды? Малы ке шуоно, зеч пӧрам сюжетез сяна, тӥледыз возьма на та спектакльлы быръем но отчы тупась зеч актёръёс - Кадим Галиханов, Сергей Пислегов но Светлана Ложкина. Та артистъёсты зэмзэ но учкыны кулэ сцена вылысен. Кыӵе соос шудо!

4-тӥ шуркынмонэ 16.00 «Искусстволы сӥзем уй» ужрад улсын театрлэн Пичи залаз «ПУНЫ» спектаклез огшоры возьматон гинэ уз луы, со нуналэ тӥляд артистъёсын матысь тодматскемды но вераськемды луоз.

Лыктэ, мӧзмыт уз луы!

Дуныз - 200 манет.