Туннэ Йӧскалык театрын ортчиз Сергей Антоновлэн пьесаезъя «Васьлей» спектакльлы нимысьтыз дасям декораци макетэн но костюм эскизъёсын тодматон. Али та спектакль бордын ужзэ азьланьтэ режиссер Алексей Ложкин. Суредась Ольга Глухова ӵектӥз ӧжыт декорациез кутыса огшоры чеберлыко оформлениез – бадзымесь ӝӧк но диван, сценалэн бергась люкет вылаз комната. Но та аспӧртэмлыко оформление быдэстэмын луоз обратной перспектива амалэн, кудӥз возьматыны кулэ кык пӧртэм дуннеез. Костюмъёс но туала улонлы тупалозы но аспӧртэмесь луозы.

Премеьералэн возьматонъёсыз ортчозы 6-тӥ но 7-тӥ толсуре.

Билетъёс вузасько ни театралэн кассаяз (3412)78-45-92 но театрлэн сайтаз онлайн амалэн.