Йӧскалык театрын ӝоген кутскозы декорационной ужъёс. Режиссёр Владимир Сафонов аслаз спектакляз Гогольлэсь аспӧртэмлыко дуннезэ пӧртэм ласянь эскерыны малпа. Та малпанзэ быдэстыны театре Санкт-Петербургысь вуиз художник Игорь Шаймарданов. Та нуналъёсы вуриськон цехын костюмъёсты пӧрмытон амалъёс сярысь вераськон мынӥз. Та дыре Игорь Дмитриевич ужа спектакльлэн макетэз бордын. Азьланяз эскизъёсъя но макетъя театрлэн цехъёсаз кылыдытэмын луоз зэмос декорация. «Мертвые души» спектакльлэн премьераез ортчоз сӥзьыл.