Артистъёс но театрысь ӧнерчиос фестивальысь бертыса гинэ вуизы но «Васьлей» комедия бордын ужаны кутскизы: сцена вылын мыно репетициос. Спектальын шудозы яратоно артистъёс, кудъёсыз возьматозы коӵышлэн улонысьтыз серемес веранэз. Нош со дыре вуриськон цехын дасяло костюмъёс - актрисалэн Екатерина Яковлевалэн Нифертити нимо писейезлы но Александр Баймурзинлы Корка кузёезлы. Луозы на парикъёс но грим. Но кыӵегез луозы костюмъёс пичиен адзисько ни.

Премьераез ортчоз 6 но 7 толсуре.

Спектакль удмурт кылын зуч кылэ синхрон амалэн берыктыса.