Толэзьлэсь кӧня ке ӧжытгес кылиз на премьераозь!

Егит драматруглэн Сергей Антоновлэн пьесаезъя театр пуктыны дася «Васьлей» комедиез, али репетициосыз мыно. Пуктӥсь группа режиссёрлэн Алексей Ложкинлэн кивалтэмез улсын тыршозы зэмос ответ шедьтыны, мар со сыӵе улон. Кырсь-жоб палъёс, ултӥян, синазькыль карон, коньдон, гажан, яратон. Ма кивалтэ туала улонэн? Огшоры учыр огшоры но валамон «Васьлей» нимын ӝутыны тыршоз туала улонлы тупась кулэ юанъёсты но лэчыт ужрадъёсты.

Спектакль бордын ӟырдыт ужъёс мыно, премьеразэ витиськом толсуре.

Тодады вайытӥськом, возьматонъёс ортчозы 6-тӥ но 7-тӥ толсуре 18 час.30 мин.

Билетлэн дуныз – 300-400 манет.

Арлыдыз - 16+

Спектакль мынэ удмурт кылын ӟуч кылэ синхрон амалэн берыктыса.

Нош та дыре театрлэн цехъёсаз но ныруласа тэк уг пуко: выль спектакльёслы – «Васьлей» комедилы но «Веселый Роджер» пиратской выжыкыллы - костюмъёс, шапка-изьыос, парикъёс, декорациос вуро-дасяло.