15-тӥ куартолэзе Удмурт театр Пичи залзэ «Кылбурен валче вамышъяса» туала поэзиез крезьгурен но кырӟанъёсын герзам ӝытэн усьтӥз. Ужрадэ ӧтемын вал дышетскисьёс, дышетӥсьёс, научной институтысь но библиотекаысь ӧнерчиос, журналистъёс. Ортчем ӝытын Йӧскалык театрысь артистъёс удмурт кылбурчиослэсь яратонлы, инкуазьлы, шаерез гажанлы но мукет темаослы сӥзем ужъёссэс быдэстӥзы. Озьы ик Иван Котельниковлэн баянэн шудэмез улсын чузъяськизы яратоно но тодмо кырӟанъёс. Сценаристэз но режиссёрез Константин Ложкин возьматонэз (композициез) ас сяменыз адӟиз но аспӧртэм пичи спектакльлы пӧрмытӥз. Залын учкисьёс ужрад бырем бере артистъёслы тау шуизы но азьланяз но таӵе ик шуныт но тунсыко пумиськонъёс азинскозы шуыса ас мылкыдзэз веразы.