6-тӥ инвожое зрительной залын коллективлэн собраниез ортчиз. Шутэтсконэ потон азьын тодматэмын вал театрлэн уженыз но вакчияк верамын мар вите выль сезонын.

Театрлэн кивалтӥсез А.И.Ураськин тодматӥз театрлэн ужаменыз, выль вормонъёсыз сярысь вераз. Озьы ик выль сезонлы быдэстоно ужпумъёсты шараяз. Али театр дасяське ни выль сезонлы. Сцена вылын Владимир Cафонов режиссёрлэн кивалтэмез улсын «Жениха вызывали, девочки» спектакльлэн репетициосыз мыно. Выль арлы Олег Пичуринлэн пьесаезъя «День, когда перестали читать сказки» нимо нылпи спектаклез пуктоз театрлэн валтӥсь режиссерез Алексей Ложкин. Театр нош пыриське «Бадӟым гастрольёс» федерал программе. Куарусёнэ Удмурт но Алтай театръёслэн вошъяськон гастрольёсыз ортчозы. Сӥзьыл пӧртэм актерской составен возьматэмын луоз «Ой, чебер нылъёс» крезьгуро комедия. Тодады вайытом, 23-тӥ куартолэзе спектакльлэн премьераез ортчиз одӥг оставен гинэ.

Валтӥсь бухгалтер М.Н.Чиркова финансовой люкетэныз тодмтӥз.

Собранилэн пумаз театрлэн кивалтӥсез А.И.Ураськин пӧртэм юанъёсты сэртӥз на.

PS.Таиз сезон каллен йылпумъяське ни. Но театрмылэн ӧсъёсыз инвожо толэзе усьтэмын на. Нылпи спектакльёс но мюзикл возьмало асьсэлэсь учкисьёссэ.,