Йӧскалык театрын собраниын ортчем ар понна йылпумъянъёс лэсьтӥзы. Ортчем ар туж секыт ке но вал, озьы ке но ӟеч но пайдаё ортчиз. Карантин дыръя театрлэн вотэс бамъёсаз пыртэмын вал архивысь туспуктэмъёс, "зарни фондысь" спектакльёс, пӧртэм передачаос. Быдӟым Вормон Нуналэз пусйыса, артистъёс онлайн амалэн лыдзизы войналы но вормонлы сӥзем кылбуръёсты но прозаысь люкетъёсты, быдэстӥзы сюлэмез бугыртӥсь кырзанъёсты. валтӥсь сцена вылын Ю.Поспелова «Лёха» пьесаезъя «Шуылоз вал песятае» спектакльэн премьераез ортчиз. Сӥзьыллэн пумаз "Майатул" калыккуспо фестивале пыриськиз. Чуваш драмтеатрен онлайн амалэн вошъяськон гастрольёс ортчытӥз. Выль арлы нылпиослы дасямын вал "Дюймовочка" крезьгуро выжыкыл, нош арлыдоослы - "Выль арен!" нимо театрализованной концерт. Сӥзьыл толэзьёсы "Бадзым гастроле" потыны чакламын. Со сяна, собраниын грамотаосын но тау каронъёсын пусйизы театрысь устооссэ.