Туннэ театрын собрание ортчиз. Театрлэн кивалтӥсез А.И.Ураськин тодматӥз 2018-тӥ ар понна театрлэн ужаменыз, выль вормонъёсыз сярысь вераз но 2019-тӥ арлы творческой планъёсты, быдэстоно ужпумъёсты шараяз. Со сяна, собрание пыриськиз на культурая министр В.М.Соловьев. Владимир Михайлович спектакльёс понна шуныт но тау кылъёссэ вераз, творческой составлэсь профессионально будэмзэ пусйиз но собрание пумын артистъёслы но театрын ужасьёслы Данъян грамотаос но Тау каронъёс сётӥз.