Театр дася выль спектакль - «Васьлей» комедия. Пьесазэ гожтӥз туала драматург Сергей Антонов. Егит авторен учкисьёс тодмо ни «Пуны» драмая, премьераез ортчиз Пичи заллэн сцена вылаз. Выль спектакль мыноз удмурт кылын синхрон амалэн зуч кылэ берыктыса.

Гуртын улэм айы коӵыш городысь квартирае вуэ но отын пумиське... корка кузёен. Соос ӵошен адямиослэсь улэм-вылэмзэс чаклало, яратон но кулон сярась верасько-малпасько, озьы ик улонлэн аспӧртэмлыкъёсыз сярысь кенешо. Нош адямииос асьсэ сюлмаськонъёсынызы уло, соос уг но шӧдо, уг но адзо, макем паймымон но абдрамон улон бугыръяськыса берга соос вӧзын...

Пьесаез рольёсъя лыдӟем-сэртэм бере, сцена вылын кутскизы «Васьлей» вуоно спектакльлэн репетициосыз режиссерлэн Алексей Ложкин кивалтэмез улсын.

Премьераез ортчоз 6-тӥ но 7-тӥ толсуре.

Чаклам арлыдэз – 16+.