4-тӥ шуркынмонэ, «Искусстволы сӥзем уй» ужрад улсын театрлэн Пичи залаз «Пуны» спектакль мынӥз но артистъёсын пумиськон ортчиз. Шумпотыса пумитазы спектакльлэсь авторзэ но режиссерзэ Сергей Антоновез, кудӥз быгатӥз туннэ ужрадэ пыриськыны. Учкисьёс пӧртэм юанъёс сётказы но сӥзёнъёссэс веразы. Но огез валамон луиз – таӵе пичи зал туж но туж кулэ учкисьёсмылы, кытын вераськон мынэ синмысь синме, кытын артистлэн шумотонэз но куректонэз туж матын луэ учкисьлы, со сое шӧдыны кутске, куке семья пушкын кадь астэ шӧдон кылдэ. Озьы ик учкисьёс куризы та спектаклен ёросъёсы потаны но. Шумпотонзэс но ӧз ватэ, Йӧскалык театр ужзэ мытэ шуыса но дунъязы Россиысь мукет театръёслэсь бере кыльытэк, пичи зал, эксперементъёслы площадка усьтемзэ.

Спектакль возьматэмын луоз на 8-тӥ толсуре 16 час.30 мин.

Возьмаськом тӥледыз спектакльёсамы.