Удмурт театрын «Ночь искусств» культурной акция улсын возьматэмын «Царевна-Лягушка» нылпи спектакль, собере элькунысь нылпи юртысь пиналъёслы ортчытэмын вал артистъёсын творческой пумиськон но сценалэн мукет палэныз тодматскон. Нылпиос театральной кружоке пырисько, кивалтӥсьсылэн верамезъя, соослэн кемалась потэ вал ини профессиональной театре лыктэмзы. Туннэ Йӧскалык театр пиналъёслэсь лушкем малпанъёссэс быдэстыны юрттӥз - театрлэн аспӧртэм дуннеяз ӧссэ усьтӥз.