Туннэ 3-тӥ шукынмонэ, «Ночь искусств» огъяросси акци улсын ӵектӥськом учкыны видеовозьматон онлайн амалэн.

Карантин шоры учкытэк, театрын ужъёс мыно-пӧзё. Валтӥсь сцена вылын «Шуылоз вал песятае» выль спектакльлэн но «Суперзаяц» нылпи выжыкыллэн учкисьёстэк возьматонъёссы ортчизы, нош пичи залын «Чертова яма» моноспектакль дасяське. Куарусён толэзьлэн пумаз Удмурт театр «Майатул» калыккуспо фестивале «Пуны» драмаен пыриськиз.

Ми оскиськом театр ӧсъёссэ нош ик усьтыны быгтоз шуыса но юбилей сезонмы учкисьёсын ортчоз. Ми шумпотыса витиськом тӥледыз, гажано эшъёсмы!

<iframe width="1280" height="720" src="https://www.youtube.com/embed/6DtdtYV5fdw" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>