Удмурт театрын «Искусстволы сӥзем уй» культурной акция улсын возьматэмын «Морозко» нылпи выжыкыл. Та шулдыр мадёс вера яратонлэн но ӟечлык лэсьтонлэн кужымез сярысь. Постановка паймытэ витьымтэ шорысь выль сюжетэныз но геройёсыныз, актёръёслэн усто шудэменызы, тол декорационыз, чыры-пыры арбериосты чакласа малпам йӧспӧртэм дэремъёсыныз но тро-трос спецэффектъёсыныз. Спектакль луонлык сётӥз анай-атайёслы нылпиосынызы ӵош дырзэс тунсыко но пайдаё ортчытыны.

Спектакль возьматэмын луоз на 7-тӥ толсуре.

Возьмаськом тӥледыз спектакльёсамы.