«Алые паруса» мюзиклэз учкыны мылкыд карисьёс осконтэм туж трос, билетъёс шуркынмон но толсур толэзьёслы быремын. Та дыре билетъёс вузало ни толшорлы. Спектаклез пуктыны луонлык сётӥз Россиысь Культурая министерстволэн «Россиысь культура» федерал программаез. Премьераез ортчиз 28-тӥ но 29-тӥ куарусёнэ. Шуркынмонлэн пумаз спектакль пыриське «Бадӟым гастрольёс. Улосвылъёс» федерал программае на. 25-тӥ шуркынмонэ Кудымкарын улӥсьёс дунъяны быгатозы Удмурт театрлэсь выль ужзэ.

PS. Гажано но яратоно милям учкисьёсмы, туж бадӟым тау ӟеч кылъёсты понна. Куд-огзэ сайтамы но пыртыны кариським.