Малпаськоды ке луыны актёр, яраӥськоды ке сцена вылын шудыны – соку та ивор тӥ понна!

2025 арын инвожо толэзе Щепкин нимо Вылӥ театральной училище (институт) Удмурт театрен валче кариськыса, абитуриентъёслы нош яло «Актерское искусство» ӧръя целевой набор.

Экзаменъёс ортчозы азьло сямен ик:

Ӟеч ортчоно творческой эскеронъёсты.

Эскеронъёслэсь кыӵе луэмзэс – гожтомы бергес.

Регистрация луоз толшор толэзе 2025 арын.

Абитуриенъёслэн арлыдзы 25 аресозь.

Одно ик тодоно удмурт кылэз. Списоке сюрон понна, кулэ луыны ӟуч кылын но литератураен ЕГЭлэн результатъёсыз.

Азьло ик школаын ялоно ӟуч кылын но литератураен экзамен гожтон сярысь. Татчы ик пыро азьло дыре школаез йылпумъямъёс но, кинлэн ӧвӧл ЕГЭ результатъёсыз. ЕГЭтэк быгато пырыны абитуриентъёс, кинлэн вань ини средний яке высший специальной образованизы, соосын собеседование манер ортчытозы ВУЗлэн дышетӥсьёссы «Ӟуч кыл» но «Литература» предметъёсъя.

Элькунысь потатэк – пырыны дано «Щепкае» - со туж бадӟым шуд! Эн лэзьы «льӧль малпанылы» кысыны! Азьлань! Сюрес усьтӥське - мынӥсьлы!