Йӧскалык театрын Александр Гринлэн гожтэм повестезъя «Алые паруса» выль спектакльлэн берпуметӥ репетициез – генеральной прогонэз ортчиз. Премьераез азьын выль ужзэ возьматӥз нимысьтыз ӧтем учкисьёслы. Спектакль экзамензэ йӧно ортчиз - залэ люкаськемъёс артистъёслы кема чабизы. Пусйыны кулэ, спектакль пуктэмын Россиысь Культурая министерстволэн «Россиысь культура» федерал программаезлы луыса. Выль спектакльлэн премьераез ортчоз 28-тӥ но 29-тӥ куарусёнэ.