23-тӥ коньывуонэ Йӧскалык театрысь артистъёс пыриськизы «Моно-Лир» элькун конкурсэ, кудӥз радъямын вал Удмуртиысь Театрын ужасьёслэн огазеяськонэн. Ужрадэ ӧтемын вал пӧртэм театръёсын ужась артистъёс. Конкурс ортчиз кык номинациын - «Проза» но «Поэзия». Прозаысь пичи люкетъёсты быдэстӥзы Вадим Дмитриев но Марина Самсонова, нош кылбуръёсты - Вероника Садаева но Иван Плотников. Озьы ик ужрадэ пыриськзы на Ӟуч драматической, Глазовысь «Парафраз» но Мунё театръёсысь артистъёс. Жюрилэн лыдъямезъя «Поэзия» номинациын Д.Кедринлэн «Зодчие» кылбурез усто быдэстэменыз вормисе потӥз Удмурт театрысь артистка Вероника Садаева.

Со сяна, Йӧскалык театрын Москваысь Олег Табаковлэн театральной школаысьтыз дышетӥсь Юлия Капустьян удмурт артистъёс понна сценической речья тренинг ортчытӥз.