Йӧскалык театр нош ик пыриське «Майатул» фин-угор театръёслэн XII калыккуспо фестивалязы. Ужрад Марий Эллэн шоркараз Йошкар-Олаын 14-18 шуркынмонэ ортчоз.

Йошкар Олае бичаськозы ог 10 театръёс. Ужъёссэс дунъялоы 9 номинациосъя. Таяз арын жюриын пукозы Финляндиысь, Эстониысь. Москваысь, Уфаысь, Казаньысь, Йошкар-Олаысь нимысьтыз ӧтем тодмо театрен герзаськем ӧнерчиос. Фестиваль луонлык сётоз фин-угор театръёслэсь самой умой ужъёссэс адзыны.

Ӵуказе, 14-тӥ шуркынмонэ, ужрадлэн усьтӥськонэз ни, нош 15-тӥ шуркынмонэ, асьме артистъёс возьматозы «Насьток но Исьток» крезьгуро комедиез.

2016-тӥ арын фестиваль йӧскалык йылолъёслы сӥземын вал. Удмуртиысь Йӧскалык театр «Чупчи крезь» драмазэ возьматӥз, сое «Национальное наследие» номинациын пусйизы. Таиз фестивальлэсь темазэ «Финно-угорская драматургия. Жанр комедия» шуыса нимазы. Театръёслэн фестивалзы «Майатул-2018» луонлык сётоз фин-угор театръёслэсь самой умой ужъёссэс адзыны но кусыпъёссэс юнматыны.