Удмурт театрын ортчиз режиссёрлэн, артистлэн, Россиысь искусство удысысь дано ужасьлэн, Удмуртиысь калык артистлэн Леонид Романовлэн 80 арес но театрын ужамезлы 55 ар тырмонлы сӥзем юбилей ӝытэз. Сцена вылысен сюлмысьтызы ӟечкылазы юбилярез культурая но туризмъя министрлэсь ужзэ быдэсъясь В.М.Соловьев, театрлэн кивалтӥсез А.И.Ураськин, Удмуртиысь культурая азьвыл министръёс А.П.Сидорова но Е.П.Ильиных, Удмуртиысь Театрын ужасьёслэн огазеяськонзылэн кивалтӥсез А.Г.Мустаев, ӵыжы-выжыосыз, эшъёсыз но пӧртэм театръёсысь артистъёс.